«Lasio» nafaqat chempionlik uchun kurashdan safdan chiqdi, jamoa bunday natija qayd etsa, kuchli uchlikdan ham chiqib ketishi mumkin. Simone Indzagi shogirdlari Italiya chempionatining 32-turi doirasida o‘z maydonida «Sassuolo»ni qabul qilib, imkoniyatni boy berishdi.

Bahsning 33-daqiqada Luis Alberto rimliklarni hisobda olib chiqqan edi. Ikkinchi bo‘lim boshida Raspadori hisobni tenglashtirdi. Ikkinchi bo‘limga qo‘shib berilgan 1-daqiqada Kaputo gol urib, "Lasio"ni "kaput" qildi.

Shu tariqa, "Sassuolo" ketma-ket to‘rtinchi o‘yinda g‘alaba qozonayotgan bo‘lsa, jamoaning mag‘lubiyatsiz o‘yinlar seriyasi 5taga yetdi. Natijada jamoa Yevropa ligasi yo‘llanmasi uchun kurashga qo‘shildi.

"Lasio" esa ketma-ket uchinchi o‘yindirki yutqazmoqda.

Italiya chempionati, 32-tur
Lasio – Sassuolo 1:2 (1:0, 0:2)
Gollar: 1:0 – 33 Luis Alberto, 1:1 – 52 Raspadori, 1:2 – 90 Kaputo.
Lasio – Strakosha, Lukaku (Xoni Rodriges, 46), Radu (Vavro, 83), Bashtush, Lassari, Luis Alberto (AdekanYE, 83), Milinkovich-Savich (Leyva, 67), Parolo, Acherbi, Kaysedo (Kataldi, 61), Immobile.
Sassuolo – Konsili, Marlon, Ferrari, Tolyan (Myuldyur, 46), Kiryakopulos, Lokatelli, Boga (Rojerio, 79), Burabiya, Jurichich (Garaslin, 68), Traore (Kaputo, 46), Raspadori (Manyani, 89).
Ogohlantirishlar: Parolo (23), Immobile (42), Myuldyur (51), Bashtush (75), Ferrari (83), Leyva (85).