Суперлиганинг 9-тур доирасида бўлиб ўтган “Металлург” ҳамда “Сўғдиёна” жамоалари ўртасидаги учрашувдан сўнг ўтказилган матбуот анжуманида “бўрилар” жамоаси бош мураббийи Улуғбек Бақоев иштирок этди.
"Биринчи бўлимда ўйинимиз чиқмаганига бир қанча сабаблар бор. Ҳозир уларни батафсил санаб ўтмоқчи эмасман. Иккинчи бўлимда нимадир қилишга ҳаракат қилдик. Футболда шунақаси бўлиб туради. Шогирдларимга ажойиб ўйин учун раҳмат айтаман. Интилишди, ҳаракат қилишди.
Норхонов етмаганини мағлубиятга рўкач қилмоқчи эмасман. Жамоамизда 22 нафар футболчи бор. Мен шунақа ўйлайман.
Бугун дарвоза чизиғида Митровичга дам олиш имкониятини бердик. Кейинги ўйинларда яна кўрамиз.
Чемпионат марказлашган ҳолатда ўтиши? Ҳозирги қалтис вазиятни тушунишимиз лозим. Футболимиз раҳбарларига осон эмаслигини биламиз. Агарда улар шундай қарорга келадиган бўлса барчаси бизни ҳавфсизлигимиз учундир. Ўзбекистондаги барча фуқаролардан соғлиқларига жиддий эътибор берган ҳолатда оила аъзоларини ва яқинларини эҳтиёт қилишларини сўраб қоламан", - дейди Улуғбек Бақоев.
