«Ливерпуль» устози Юрген Клопп «Арсенал»га қарши ўйиндан кейин интервью берди. Мазкур ўйинда «тўпчилар» 2:1 ҳисобида зафар қучишди. «Ливерпуль»да Садио Мане гол урган бўлса, «Арсенал»да Ляказетт ва Нельсон рақиб дарвозасини ишғол қилишди.
«Икки марта концентрацияни жиддий тарзда йўқотдик. Биз яхши ўйнадик, 24 та зарба йўлладик, аммо иккита эпизод ўйинни ўлдирди.
«Арсенала»да яққол вазиятлар бўлмади. Аммо бундай голларни ўтказиб юбориб, ғалаба қозониш мумкин эмас.
Биз концентрацияни йўқотдик, бу факт. АПЛда эса бундай қилиб бўлмайди. Ван Дейк тўпни йўқотди, аммо мен кимдир тўп учун очилганини кўрмадим. Ҳеч ким тўпни қабул қилишни истамади. Буни ҳазм қилиб бўлмайди.
Биз ушбу ўйиндан сабоқ олишимиз керак ва шундай қиламиз ҳам», – деди Клопп.
