Италия чемпионатининг жорий мавсуми "Ювентус"нинг чемпионлигига қараб кетаётгандек. Боиси, таъқибчилар ўзаро ўйинларда очколарни бой беришмоқда.

А сериянинг 34-тури доирасида «Рома» ўз уйида «Интер»ни қабул қилиб, жанговар дурангга имзо чекди.

"Нерадзурри" 15-дақиқада Стефан де Врей томонидан урилган гол эвазига ҳисобни очди. Биринчи бўлим тугаш арафасида Спинаццола ҳисобни тенглаштирди.

57-дақиқада Генрих Мхитарян "бўрилар"ни олдинга олиб чиқди. Ўйин тугашига 2 дақиқа қолганида эса римликлар ҳимоячиси Спинаццола ўз жарима майдони ичида эҳтиётсиз ҳаракат қилиши оқибатида йўқ жойдан пенальтига сабабчи бўлиб қолди. Ромелу Лукаку 11 метрли жарима зарбасидан фойдаланиб, ҳисобни тенглаштирди.

Ушбу дуранг ҳар икки жамоани ҳам қаноатлантирмади. Боиси, "Ювентус" эртага ғалаба қозонса, "Интер" билан фарқни ошириши мумкин. Ушбу турда ғалаба қозонган "Наполи" ва "Милан" клублари эса "Рома"га янада яқинлашиб олишди.

Италия А серияси, 34-тур
Рома – Интер 2:2 (1:1)
Голлар: 0:1 – 15 де Врей, 1:1 – 45 Спинаццола, 2:1 – 57 Мхитарян, 2:2 – 88, пенальти Лукаку.
Рома – Лопес, Спинаццола, Коларов, Рожер (Смоллинг, 74), Бруно Перес, Мхитарян (Карлес Перес, 84), Диавара (Кристанте, 69), Пеллегрини (Перотти, 83), Верету, Манчини, Жеко.
Интер – Ханданович, Бастони (Д`Амброзио, 82), де Врей, Шкриньяр, Янг (Бираги, 67), Брозович, Гальярдини (Эриксен, 69), Барелла, Кандрева (Мозес, 67), Санчес, Мартинес (Лукаку, 67).
Огоҳлантиришлар: Барелла (23), Лопес (72).