Italiya chempionatining joriy mavsumi "Yuventus"ning chempionligiga qarab ketayotgandek. Boisi, ta’qibchilar o‘zaro o‘yinlarda ochkolarni boy berishmoqda.

A seriyaning 34-turi doirasida «Roma» o‘z uyida «Inter»ni qabul qilib, jangovar durangga imzo chekdi.

"Neradzurri" 15-daqiqada Stefan de Vrey tomonidan urilgan gol evaziga hisobni ochdi. Birinchi bo‘lim tugash arafasida Spinassola hisobni tenglashtirdi.

57-daqiqada Genrix Mxitaryan "bo‘rilar"ni oldinga olib chiqdi. O‘yin tugashiga 2 daqiqa qolganida esa rimliklar himoyachisi Spinassola o‘z jarima maydoni ichida ehtiyotsiz harakat qilishi oqibatida yo‘q joydan penaltiga sababchi bo‘lib qoldi. Romelu Lukaku 11 metrli jarima zarbasidan foydalanib, hisobni tenglashtirdi.

Ushbu durang har ikki jamoani ham qanoatlantirmadi. Boisi, "Yuventus" ertaga g‘alaba qozonsa, "Inter" bilan farqni oshirishi mumkin. Ushbu turda g‘alaba qozongan "Napoli" va "Milan" klublari esa "Roma"ga yanada yaqinlashib olishdi.

Italiya A seriyasi, 34-tur
Roma – Inter 2:2 (1:1)
Gollar: 0:1 – 15 de Vrey, 1:1 – 45 Spinassola, 2:1 – 57 Mxitaryan, 2:2 – 88, penalti Lukaku.
Roma – Lopes, Spinassola, Kolarov, Rojer (Smolling, 74), Bruno Peres, Mxitaryan (Karles Peres, 84), Diavara (Kristante, 69), Pellegrini (Perotti, 83), Veretu, Manchini, Jeko.
Inter – Xandanovich, Bastoni (D`Ambrozio, 82), de Vrey, Shkrinyar, Yang (Biragi, 67), Brozovich, Galyardini (Eriksen, 69), Barella, Kandreva (Mozes, 67), Sanches, Martines (Lukaku, 67).
Ogohlantirishlar: Barella (23), Lopes (72).