Беларусь чемпионатининг 19-тури доирасида "Шахтёр" ўз уйида "Смолевичи" клубини қабул қилиб, йирик ҳисобда ғалаба қозонди. Ўзбекистонлик ҳужумчи Жасур Яхшибоев янги жамоаси сафида учрашувни илк марта асосий таркибда бошлади.
Баҳснинг 9-дақиқасида Яхшибоев 15 метрлардан йўллаган зарба натижасида тўп ҳимоячига тегиб қайтди. Тўпни эгаллаган Антич ўткир бурчак остида бўлишига қарамай, кучли зарба билан ҳисобни очди.
Иккинчи бўлимда эса "кончилар" рақибни бутунлай тор-мор келтиришди. Бунда эса Жасурнинг ҳиссаси катта бўлди. Учрашувнинг 62-дақиқасида ҳамюртимиз майдон марказида тўпни эгаллаб, икки ҳимоячига қарши чиқиб борди ва улардан бирини алдаб ўтиб, дарвозабон билан яккама-якка вазиятда ўнг оёқ билан дарвозани ишғол қилди.
Орадан 8 дақиқа ўтиб, Яхшибоев яна битта гол муаллифига айланди. Бу сафар у чап қанотдан жарима майдонига кирди, икки ҳимоячини осонлик билан алдади ва дарвозабонни доғда қолди.
Ҳамюртимизнинг голлари орасида Сзоке "Шахтёр"нинг учинчи голини рақиб дарвозасига жойлаган эди.
Ушбу ғалабадан кейин "Шахтёр" ўз очколарини 37тага етказиб, БАТЭ билан бирга пешқадамга айланди. Яхшибоев эса 12та гол билан тўпурарлар пойгасида яққол пешқадам бўлиб олди.
Беларусь чемпионати, 19-тур
ШАХТЁР — СМОЛЕВИЧИ — 4:0
ГОЛЛАР: 1:0 — Антич (9). 2:0 — Яхшибоев (61). 3:0 — Сзоке (69). 4:0 — Яхшибоев (70).
ШАХТЁР: Гутор (к) — Вукманич (Бурко, 75), Хадаркевич, Сачивко, Антич — Сзоке, Селява — Иванович (Баланович, 46), А.Архипов (Бодул, 46), Подстрелов — Яхшибоев.
СМОЛЕВИЧИ: Гомелько — Алибеков, Родионов, Жевнеров (к), Халимончик — Щегрикович (Ханкевич, 77) — Гурбан (Макушинский, 67), Макаров, Джигеро, Ложкин (Александрович, 82) — Демченко.
СОЛИГОРСК. 26 июля. Стадион "Строитель".
Жасур Яхшибоевнинг биринчи голи:
Жасур Яхшибоевнинг иккинчи голи:
