Италия чемпионатининг 36-тури доирасида «Лацио» сафарда «Верона» клуби меҳмони бўлиб, йирик ҳисобда ғалаба қозонди.

Римликлар ҳужумчиси Чиро Иммобиле "хет-трик"ка эришди. У голларининг иккитасини пенальтинидан киритди. Шунингдек, Милинкович-Савич ва Хоакин Корреа ўз ҳисобларига биттадан гол ёзишди. Якуний ҳисоб — 1:5.

Иммобиленинг ушбу мавсумдаги голлари 34тага етди. Европа чемпионатларининг энг яхши тўпурарига бериладиган "Олтин бутса" учун курашда у Левандовски ("Бавария")га етиб олди.
 
Италия А серияси, 36-тур
Верона – Лацио 1:5 (1:1, 0:4)
Голлар: 1:0 – 39, пенальти Амрабат, 1:1 – 45, пенальти Иммобиле, 1:2 – 56 Милинкович-Савич, 1:3 – 62 Корреа, 1:4 – 83 Иммобиле, 1:5 – 90, пенальти Иммобиле.
Верона – Радунович, Гюнтер, Раҳмоний, Фараони (Димарко, 79), Дзакканьи (Сальседо, 68), Велозу (Лукас Фелиппе, 87), Лазович, Амрабат, Борини (Ди Кармине, 67), Эссерик (Стемпиньски, 87), Пессина.
Лацио – Стракоша, Ачерби, Луис Фелипе, Габаррон (Вавро, 65), Марушич (Армини, 88), Милинкович-Савич (Андерсон, 88), Андерсон (Лукаку, 65), Луис Альберто, Пароло, Корреа (Кайседо, 69), Иммобиле.
Огоҳлантиришлар: Раҳмоний (45), Марушич (67), Стракоша (86), Радунович (90).