Мадриднинг "Реал" клуби ҳимоячиси Серхио Регилон "қироллик клуби"ни тарк этиши мумкин. Бу ҳақда AS нашри ёзмоқда.
"Қаймоқранглилар" ёзги трансфер ойнасида футболчилар сотувидан тахминан 100 миллион евро ишлаб олмоқчи. Регилон ҳам жамоани тарк этиши мумкин бўлган футболчилар рўйхатида.
"Реал Мадрид" испаниялик ҳимоячини яхшигина нархга сотишига ишонмоқда. Регилон ижара асосида ҳаракат қилган "Севилья"да яхши мавсум ўтказди.
Маълумот учун, 2019/20 йилги мавсумда ҳимоячи 34та ўйинда майдонга тушиб, 2та гол урган ва 4та голга ассистентлик қилган. Аввалроқ, ҳимоячига ПСЖ қизиқаётганлиги ҳақида хабарлар тарқалганди.
