Россия Премьер-лигаси якунланган мавсум бўйича индивидуал совринлар учун даъвогар футболчилар рўйхатини эълон қилди.

Энг яхши мураббий, энг яхши ўйинчи ва энг яхши ёш ўйинчи совринларинини қуйидаги мутахассислар аниқлашади: РПЛ клублари бош мураббийлари ва сардорлари, «Матч Премьер»нинг 5 нафар экспертлар, 7 нафар журналист ва Россия терма жамоаси бош мураббийи Станислав Черчесов. Ҳар бир эксперт номинация бўйича 3 нафар номзодни тақдим этади (биринчи ўринга — 5 балл, иккинчи ўринга — 3 балл, учинчи ўринга 1 балл берилади).

Мавсумнинг энг яхши ўйинчиси номинациясига "Ростов" ҳужумчиси Элдор Шомуродов ҳам киритилди. Барча номзодлар:

Артём Дзюба, Сердар Азмун, Вильмар Барриос, Дуглас Сантос (барчаси — «Зенит»), Гжегож Криховяк, Алексей Миранчук (барчаси — «Локомотив»), Никола Влашич (ЦСКА), Элдор Шомуродов («Ростов»), Евгений Луценко («Арсенал»), Даниил Фомин («Уфа»), Александр Соболев («Крылья Советов»/«Спартак»), Эрик Бикфалви («Урал»).

Мавсумнинг энг яхши ёш ўйинчиси номинациясига "Уфа" ярим ҳимоячиси Остон Ўрунов киритилди:

Федор Чалов, Иван Обляков, Кристиян Бистрович, Игорь Дивеев (барчаси — ЦСКА), Магомед-Шапи Сулейманов, Матвей Сафонов, Даниил Уткин (барчаси — «Краснодар»), Даниил Лесовой («Арсенал»), Александр Максименко («Спартак»), Максим Глушенков («Крилья Советов»), Хвича Кварацхелия («Рубин»), Остон Ўрунов («Уфа»).