Rossiya Premyer-ligasi yakunlangan mavsum bo‘yicha individual sovrinlar uchun da’vogar futbolchilar ro‘yxatini e’lon qildi.

Eng yaxshi murabbiy, eng yaxshi o‘yinchi va eng yaxshi yosh o‘yinchi sovrinlarinini quyidagi mutaxassislar aniqlashadi: RPL klublari bosh murabbiylari va sardorlari, «Match Premyer»ning 5 nafar ekspertlar, 7 nafar jurnalist va Rossiya terma jamoasi bosh murabbiyi Stanislav Cherchesov. Har bir ekspert nominasiya bo‘yicha 3 nafar nomzodni taqdim etadi (birinchi o‘ringa — 5 ball, ikkinchi o‘ringa — 3 ball, uchinchi o‘ringa 1 ball beriladi).

Mavsumning eng yaxshi o‘yinchisi nominasiyasiga "Rostov" hujumchisi Eldor Shomurodov ham kiritildi. Barcha nomzodlar:

Artyom Dzyuba, Serdar Azmun, Vilmar Barrios, Duglas Santos (barchasi — «Zenit»), Gjegoj Krixovyak, Aleksey Miranchuk (barchasi — «Lokomotiv»), Nikola Vlashich (SSKA), Eldor Shomurodov («Rostov»), Yevgeniy Lusenko («Arsenal»), Daniil Fomin («Ufa»), Aleksandr Sobolev («Krilya Sovetov»/«Spartak»), Erik Bikfalvi («Ural»).

Mavsumning eng yaxshi yosh o‘yinchisi nominasiyasiga "Ufa" yarim himoyachisi Oston O‘runov kiritildi:

Fedor Chalov, Ivan Oblyakov, Kristiyan Bistrovich, Igor Diveev (barchasi — SSKA), Magomed-SHapi Suleymanov, Matvey Safonov, Daniil Utkin (barchasi — «Krasnodar»), Daniil Lesovoy («Arsenal»), Aleksandr Maksimenko («Spartak»), Maksim Glushenkov («Krilya Sovetov»), Xvicha Kvarasxeliya («Rubin»), Oston O‘runov («Ufa»).