"Тоттенхэм" клуби собиқ бош мураббийи Маурисио Почеттино нима учун «Реал»ни бошқаришдан бош тортганига изоҳ берди.

"Ҳар бир мураббий истеъфога тайёр туриши керак. Чунки "Тоттенхэм"дан истеъфога чиққаним мен учун кутилмаган ҳол бўлмади. "Реал" таклиф билан чиққан пайтда "шпорлар" билан шартномани бекор қилмаганимдан афсусланаманми? Мен "Тоттенхэм"да бахтли эдим. Шунинг учун бажонудил янги шартномага имзо чекдим.

Биз ортиқча муаммосиз хайрлашдик. Ҳозир "Тоттенхэм" билан муносабатларим яхши. Биз ҳам хатоларга йўл қўйганимизни ҳамиша такрорлайман. Якун эса шундай бўлди. Аммо вазиятни ўзгартириш учун кўпроқ қўллаб-қувватланишга умид қилгандик. Якунда эса йўлларимиз айро тушди. Чунки ҳар икки томонга танаффус керак эди", – деди Почеттино.

Эслатиб ўтамиз, аргентиналик мутахассис 2019 йилнинг ноябрь ойида истеъфога чиқарилганидан буён ишсиз юрибди. "Шпорлар" унинг қўлостида бирорта совринни қўлга киритишмади, аммо Европа чемпионлар лигаси финалига қадар етиб боришди. Почеттино, ўз вақтида "Реал"ни бошқаришга номзод мураббийлардан бири бўлганди.