Пандемия даврида бокс бўйича терма жамоаларимизнинг машғулотлари учун махсус режа ишлаб чиқилган. Ушбу режага биноан ёшлар терма жамоаси бугун навбатдаги онлайн машғулотни ўтказди. Унга кўра, боксчиларнинг мусобақа олдидан психологик ҳолатини аниқлаш бугунги машғулотнинг бош мавзуси бўлди.

Ушбу тренингни Ўзбекистон бокс федерацияси бош котиби Муроджон Мамадалиев бошлаб берди ва карантин вақтида қай тартибда машғулотлар олиб бориш масаласида гапирди. Терма жамоа катта мураббийи Ҳамид Тангрибергенов эса ёш боксчиларимизнинг психологик ҳолатини аниқлаш бўйича махсус тест ишлаб чиқилгани ва шу асосида уларнинг ҳолатини аниқлаш мумкинлиги ҳақида тушунтириш берди. Мураббий томонидан психологик тайёргарлик мусобақа вақтида катта аҳамиятга эга эканлиги, бу бугунги кунда спортнинг муҳим бир бўлаги эканлиги қайд этилди. Ўз навбатида боксчиларимиз ўзларини қизиқтирган саволлар билан мураббийга мурожаат қилишди.

Ўзбекистон бокс федерацияси матбуот хизмати