«Спартак»нинг собиқ ҳужумчиси, ҳозирда «Пахтакор» спорт директори лавозимида ишлаётган Жаъфар Ирисметов ўзбекистонлик ярим ҳимоячи Остон Ўруновнинг «Уфа»дан "қизил-оқлар" сафига ўтганига ўз муносабатини билдирди.

«Ўрунов «Спартак»да ўзини кўрсатиши қийин бўлади. У кўпроқ ЦСКАга мос келган бўларди. Ҳозирда «спартакча футбол» ибораси йўқ. Барчаси ўйинчига ва мураббийга боғлиқ.

Ўрунов — майдон марказининг мустаҳкам ўйинчиси. У "Спартак"ка ҳозир етишмаётган жиҳатни йўлга қўйиши мумкин. У ёш футболчи, унга тўғри йўналиш берилса, ўсишда давом этади ва «Спартак»да муносиб ўйин кўрсатади.

Ўзбекистон чемпионатидаги энг кучли таянч ярим ҳимоячиларидан бири — Одил Ҳамробеков, у Ўруновга нисбатан анча кучли. Бу менинг шахсий фикрим. «Пахтакор»да бир неча нафар келажаги порлоқ ўйинчилар бор, улар катта иштиёқ билан Россия фаолиятларини чемпионатида давом эттиришлари мумкин. Ҳозирда бир нечта вариантларни кўриб чиқяпмиз. Илгари ўзбек футболчилари кўпроқ Жанубий Кореяга интилишар эди.

Бежизга Ўруновни гол ура олмайдиган ўйинчи сифатида ёзишмаяпти. Шунинг учун кўп нарса мураббийга, ўйинчини қандай тактика остида ўйнатишига боғлиқ», — деди Ирисметов.