"Барселона" сардори Лионель Месси Европа чемпионлар лигаси нимчорак финал босқичи доирасида бўлиб ўтган «Наполи»га қарши ўйин танаффусида жамоадошларига мурожаат билан чиққан.
"Келинг, бехато ўйнаймиз. Биз икки тўп фарқи билан олдинда боряпмиз. Шунинг учун хотиржам ҳаракат қилишимиз керак", — деган Месси. Бу ҳақда "Marca" нашри хабар тарқатди.
Эслатиб ўтамиз, "Барселона" биринчи бўлимдан сўнг 3:1 ҳисобида олдинда бораётган эди. Иккинчи бўлимда дарвозабонларга бошқа тўп киритилмади ва ҳисоб ўзгармай қолди. "Барселона" 14 август куни чорак финал босқичи доирасида "Бавария"га қарши майдонга чиқади.