«Спартак» бош директори Шамиль Газизов жамоанинг янги аъзоси Остон Ўрунов қачондан бошлаб майдонга тушиши мумкинлигига изоҳ берди.

«Ўрунов умумий гуруҳда шуғулланмоқда. Ундан ташқари, у индивидуал режа асосида машғулотларда иштирок этмоқда. У жисмоний формасини тиклаши керак. Ўйлашимча, бир ҳафтадан кейин у ўйнашга тайёр бўлади. Остоннинг асосий кучи — у жангчи ва гладиатор. Ушбу футболчи "Спартак"да аввал бўлмаган жиҳатларни бериши мумкин.

Ўруновнинг трансфер нархини сизга айтмайман. Мен «Спартак»ка кўчиб ўтганимда, Ўрунов ҳам "қизил-оқлар" сафига ўтишини айтгандим. Буни Леонид Федун ("Спартак" хўжайини) ва «Уфа» билан муҳокама қилдим. Шу боис, қарор қабул қилинди. Трансфер суммаси ўшанда ҳал бўлган эди», — деди Газизов.