"Бавария" Европа чемпионлар лигасининг жорий мавсумида рекорд миқдорда даромад оладиган бўлди.

Мюнхенликлар бир мавсумда пул топиш бўйича "Барселона"га тегишли рекордни янгилашга яқин туришибди.

"Kicker" тарқатган хабарга кўра, "Бавария" ушбу мавсумда 120 миллион евродан ортиқ даромад олади. "Барселона" 2019 йилда 117,73 миллион евро ишлаб топган эди.

Жорий мавсумда УЕФА қуйидаги тартибда пул тўлаб беради:

Гуруҳ босқичига чиққанлик учун: 15,25 миллион евро;

Гуруҳ босқичида: ғалаба учун 2,7 млн ​​евро (6та ғалаба учун — 16,2 млн евро);

Нимчорак финалга чиққани учун: 9,5 млн евро;

Чорак финалга чиққани учун: 10,5 млн евро;

Ярим финалга чиққани учун: 12 млн евро;

Финалга чиққани учун: 15 млн евро;

Чемпионлар лигасида ғолиблик учун: 4 млн евро + УЕФА суперкубогидаги иштирок учун 3,5 млн евро.

Бундан ташқари, "Бавария" мусобақанинг сўнгги 10 йилликдаги рейтингида 3-ўринни эгаллаб тургани учун қўшимча 33,24 млн евро олади. Шунингдек, клуб телетрансляциялар ҳуқуқидан 11,5 млн евро ишлаб топади.

Шу тариқа, "Бавария"нинг Чемпионлар лигаси орқали ишлаб топган пуллари ҳозирданоқ 123 миллион еврога етди. Жамоа бош совринни қўлга киритса, даромад миқдори 130 миллион евродан ошади.