Ўзбекистон Суперлигаси 11-тур ўйинлари якунига етди. Ҳар доимгидек тур лауретларини эълон қилишда давом этамиз.
Stadion.uz талқинига кўра, Суперлига 11-турининг энг яхши футболчиси деб "Пахтакор” ҳужумчиси Драган Черан топилди.
"Пахтакор" мазкур турда марказий ўйин дея эътироф этилган "Насаф"га қарши баҳсда майдонга тушди. Бир сўз билан айтаганда, учрашув Драган бенефисига айланди. Черан рақиб дарвозасини 3 марта аниқ нишонга олиб, жамоасига ғалаба келтирди.
Маълумот учун, 11-турдан сўнг Черан Суперлига тўпурарлар пойгасида 11та гол билан пешқадамлик қилмоқда.
