Коронавирус қайта авж олгани сабаб футбол бўйича Ўзбекистон Про-лигаси баҳслари тўхтатилганди. Самарқанднинг «Динамо» жамоаси 3-турнинг қолдирилган ўйини доирасида «Хоразм»ни қабул қилади ва учрашув 17:00да бошланиб, мухлисларсиз ўтказилади.

«Динамо» – «Хоразм» тўқнашуви деганда кўпчилик 2018 йил 26 августда Самарқандда ўтган ўйинни (2:1) эслайди:

— Иккинчи бўлимга 15 дақиқа қўшиб берилган;
— «Динамо» ғалаба голини 90+12-дақиқада урган;
— «Хоразм» дарвозабони қизил карточка олгач, 6 дақиқа майдондан чиқмаган ва уни милиция ходимлари олиб чиқиб кетганди;
— «Хоразм» ўйинга шифокорсиз ва битта дарвозабон билан боргани сабаб ўйин якунида майдондаги футболчи дарвозага турган;
— «Хоразм» ўйинни 9 киши бўлиб якунлаган;
— «Динамо» футболчиси Пуришкин пенальтидан гол уролмаган;
— ПФЛ ўйинга 15 дақиқа қўшилгани тўғри бўлганини маълум қилганди.