Koronavirus qayta avj olgani sabab futbol bo‘yicha O‘zbekiston Pro-ligasi bahslari to‘xtatilgandi. Samarqandning «Dinamo» jamoasi 3-turning qoldirilgan o‘yini doirasida «Xorazm»ni qabul qiladi va uchrashuv 17:00da boshlanib, muxlislarsiz o‘tkaziladi.

«Dinamo» – «Xorazm» to‘qnashuvi deganda ko‘pchilik 2018 yil 26 avgustda Samarqandda o‘tgan o‘yinni (2:1) eslaydi:

— Ikkinchi bo‘limga 15 daqiqa qo‘shib berilgan;
— «Dinamo» g‘alaba golini 90+12-daqiqada urgan;
— «Xorazm» darvozaboni qizil kartochka olgach, 6 daqiqa maydondan chiqmagan va uni milisiya xodimlari olib chiqib ketgandi;
— «Xorazm» o‘yinga shifokorsiz va bitta darvozabon bilan borgani sabab o‘yin yakunida maydondagi futbolchi darvozaga turgan;
— «Xorazm» o‘yinni 9 kishi bo‘lib yakunlagan;
— «Dinamo» futbolchisi Purishkin penaltidan gol urolmagan;
— PFL o‘yinga 15 daqiqa qo‘shilgani to‘g‘ri bo‘lganini ma’lum qilgandi.