Италия терма жамоаси бош мураббийи Роберто Манчини Босния ва Герцеговина (1:1) билан Миллатлар лигаси ўйинида асосий таркибда ҳимоячи Жоржьо Кьеллини нега йўқлигини тушунтирди.
"Бу менинг айбим. Улар менга бошланғич таркибни кўрсатдилар, мен эса кўзойнакларимни тақмадим ва шунчаки ҳаммаси жойида деб жавоб бердим. Мен Aчерби таркибда, Кьеллини эса йўқлигига эътибор бермадим.
Ҳар ҳолда, биз Aчерби ва Кьеллини биттадан ўйин ўтказишини режалаштиргандик. Жоржьодан Голландияга қарши қачон ўйнашни хоҳлашини сўрадим. У бугун деб жавоб берди, аммо кейин вазият ўзгариб кетди.
Гап дарвозабонни алмаштириш ҳақида эмас, балки ҳимоячи ҳақида кетмоқда, шунинг учун катта фарқ йўқ, аммо, барибир, бу хато эди», деб тан олди Манчини.
