Italiya terma jamoasi bosh murabbiyi Roberto Manchini Bosniya va Gersegovina (1:1) bilan Millatlar ligasi o‘yinida asosiy tarkibda himoyachi Jorjyo Kyellini nega yo‘qligini tushuntirdi.

"Bu mening aybim. Ular menga boshlang‘ich tarkibni ko‘rsatdilar, men esa ko‘zoynaklarimni taqmadim va shunchaki hammasi joyida deb javob berdim. Men Acherbi tarkibda, Kyellini esa yo‘qligiga e’tibor bermadim.

Har holda, biz Acherbi va Kyellini bittadan o‘yin o‘tkazishini rejalashtirgandik. Jorjyodan Gollandiyaga qarshi qachon o‘ynashni xohlashini so‘radim. U bugun deb javob berdi, ammo keyin vaziyat o‘zgarib ketdi.

Gap darvozabonni almashtirish haqida emas, balki himoyachi haqida ketmoqda, shuning uchun katta farq yo‘q, ammo, baribir, bu xato edi», deb tan oldi Manchini.