Суперлиганинг иккинчи даврасига қизғин тайёргарлик кўраётган АГМК бугун Тошкентдаги ТТЙМИ стадионида «темирйўлчилар»га қарши назорат беллашуви ўтказди.

Унда мураббийлар штаби кичик жароҳатлари боис Сайдулло Раҳматов ва Баҳром Абдураҳимов хизматидан фойдалана олишмади. Қолган футболчилар эса ўз имкониятларига эга бўлишди. Қизиқарли ва кескин ўтган беллашувда Марат Бикмаев киритган ягона гол «Локо»га ғалаба келтирди.

Назорат ўйини.
5 сентябрь, шанба.
«Локомотив» — АГМК 1:0
Гол: Марат Бикмаев

Эслатиб ўтамиз, АГМК Суперлига иккинчи давраси доирасидаги 14-тур ўйинини 12 сентябрь куни Бекободда «Металлург»га қарши ўтказади. Учрашув соат 19:00да бошланади ва МТРК тармоғидаги «Маҳалла» канали орқали эфирга узатилади.