Лондоннинг «Вест Хэм» клуби «Бёрнли» билан Жеймс Тарковскининг трансфери борасида музокара олиб бормоқда. «Болғачилар» футболчининг трансфери учун 27 миллион фунт таклиф қилди.
Англиялик футболчи бир неча мавсумдан бери юқори савияли ўйин намойиш этиб келмоқда. Ҳаттоки, Жаҳон Чемпионатидан олдин Англия терма жамоасига ҳам жалб қилишганди.
«Бёрнли» ҳозирча ўз ҳимоячисини сотиш борасида аниқ бир тўхтамга келмади. Клубдагилар Тарковскини сотиб юбориб, унинг ўрнини босадиган футболчи топа олмай қолишларидан хавотирда.
