«Эвертон» бош мураббийи Карло Анчелотти ярим ҳимоячи Хамес Родригес билан шартнома имзолангани борасида ўз фикрини билдириб ўтди. Маълумотларга қараганда, жамоа колумбиялик футболчи учун "Қироллик клуби"га 22 миллион фунт стерлинг тўлади ва у билан 2 йиллик шартнома имзолади.

«Хамес — фантастик ўйинчи, кўп хислатлар эга ва ҳужумчиларга голли узатмаларни амалга ошира олади. Буни ҳамма билади.

Лойиҳамизни амалга оширишда у бизга ростдан ҳам керак. У биз билан шартнома имзолаганидан хурсанд бўлди. Уни кўндириш учун кўп вақт сарфламадим. У бунга тайёр эди.

Хамес ва Аллан каби футболчилар кучли бўлишимизга ёрдам бериши мумкин. Ўз навбатида биз ҳам уларнинг кучли бўлишига ёрдам берамиз. Бундай уйғунлик натижаларимизга ижобий таъсир кўрсатади», — деди Анчелотти.