Вулверхэмптон" жамоа бош мураббийи Нуну Эшпириту Санту билан шартномани узайтиришга яқин турибди, деб хабар беради Daily Mail нашри.

Манбанинг хабарига кўра, 46 ёшли мутахассис 2023 йил июн охиригача бўлган янги шартнома имзолайди. Қайд этилишича, клуб мураббийнинг маошини сезиларли даражада оширади.

Маълумот учун, Нуну Эшпириту Санту "Вулверхэмптон"ни 2017 йилда қабул қилиб олди.

Португалиялик мураббий қўли остида жамоа Премер-лигага йўл олди ва 2019/20 йилги мавсум якунига кўра 7-ўринни эгаллади. Шунингдек, Нуну "бўрилар"ни Европа Лигасининг чорак финалига олиб чиқди ва у ерда  "Севиля"га имкониятни бой берди (0:1).