Ўзбекистон Суперлигаси 16-тур ўйинлари якунига етди. Ҳар доимгидек тур лауретларини эълон қилишда давом этамиз.
Stadion.uz талқинига кўра, Суперлига 16-турининг энг яхши мураббийи деб АГМК бош мураббийи Миржалол Қосимов топилди.
Қосимов жамоаси Суперлига 16-турининг марказий ўйинида “Бунёдкор"ни сафарда қийин кечган баҳсда 3:2 ҳисобида мағлуб этди. Қосимовнинг захирадан туширган футболчиси сўнгги дақиқаларда гол уриб, олмалиқликларга 3 очкони тақдим этди. Мураббийнинг бундай топқирлигига тан бермасликнинг иложи йўқ.
Шу тариқа, Миржалол Қосимов Вадим Абрамов бошчилигидаги жамоаларни умумий ҳисобда 8-маротаба мағлуб этди ва ўзаро қарама-қаршиликда жуда катта устунликка эга бўлди.
