Элдор Шомуродовнинг "Женоа"га трансфери амалга ошмаслиги мумкин. Бу ҳақда metaratings.ru сайти хабар берди.
Манбанинг маълум қилишича, «Женоа» спорт директори Даниэле Фаджиано «Ростов» ҳужумчиси Элдор Шомуродовнинг трансферини тасдиқлашига қарамай, ҳамюртимиз бу жамоага ўтмаслиги мумкин. Чунки А сериянинг яна 2 клуби "Верона" ва "Фиорентина" Элдор Шомуродов учун 10 миллион еврогача "Ростов"га таклиф қилишга тайёр.
Шу билан бирга, "бинафшалар" футболчи учун суммани бирданига тўлиқ ҳолда, "Верона" ва "Женоа" эса фақат бўлиб тўламоқчи. Бундай вазиятда генуяликларнинг таклифи энг мақбул кўринишга эга эмас, шунинг учун футболчи "Женоа"га ўтмаслиги мумкин.
