Италиянинг "Аталанта" клуби ўзининг расмий сайтида "Сампдория" футболчиси Фабио Депаолини ўз сафига қўшиб олганини расман эълон қилди.
Бергамоликлар 23 ёшли футболчини кейинчалик сотиб олиш шарти билан ижарага олган. Битимнинг бошқа бандлари ҳозирча ошкор қилинмаяпти.
Депаоли "Сампдория" клубида 2019 йилнинг ёзидан бери ўйнаб келмоқда. У шу вақт мобайнида 31 та учрашувда майдонга тушиб, иккита голга ассистентлик қилди.
Италиялик футболчининг трансфер нархи 4,5 миллион евро атрофида баҳоланмоқда.
