Туриннинг «Ювентус» клуби бош мураббийи Aндреа Пирло «Наполи»га қарши учрашув олдидан ўз фикрлари билан ўртоқлашиб ўтди.

“Ўйлашимча, ушбу учрашув албатта бўлиб ўтади. Биз бошқа ўйинларга қандай тайёргарлик кўрган бўлсак, шундай аҳволдамиз. Aйни дамдаги, вазият жуда оғир, бироқ ҳамма учун шароит бир хил.

Мен мураббий сифатида экспериментларим фойда бермади деб ҳисобламайман. Балки, «Наполи»га қарши янгича услубдан фойдаланармиз. Биз таваккал қилиб кўришимиз лозим. «Наполи»га қарши учрашув ҳам бундан мустасно эмас.

Бизнинг Римдаги очко йўқотишимиз, тактик ўзгаришларни янада мукаммалаштириш лозимлигини кўрсатиб турибди. Шунингдек, футболчиларнинг ўзгартиришдаги камчиликлар ҳам кўзга ташланиб қолди.

Биз «Рома»га қарши ҳужумда зоналарни эгаллашда оқсадик. Балки, «Наполи»га қарши ўнг қанот ҳужумини янада кучайтиришга қодир футболчини майдонга туширармиз. Барчаси ҳозирча фаразлар холос. Ҳаммасини майдондаги учрашувда билиб олишингиз мумкин”.