«Ювентус» ҳужумчиси Криштиану Роналду жамоавий карантин қоидасини сақлашдан бош тортди.

"La Gazzetta dello Sport" тарқатган хабарга кўра, ўтган ҳафтада жамоанинг икки ходимида коронавирус аниқлангач, клуб меҳмонхонада барча футболчилар ва мураббийлар учун "кўпик" ташкил қилишди. Португалиялик футболчи эса ушбу ҳудудда қолишни истамасдан, меҳмонхонани биринчи бўлиб тарк этди.

Роналду бир неча кун давомида отелда қолишдан бош тортди. Бундай ҳолатда Криштиану Португалия терма жамоаси сафида Испания қарши ўртоқлик ўйинини ўтказиб юборишга мажбур бўлар эди. Роналду ва жамоанинг қолган барча аъзолари икки мартадан тест топширишди. Улар меҳмонхонадаги карантинни тарк этишлари учун учинчи тестни топширишлари керак эди.

Роналду эса жамоа раҳбариятига овозини баланд кўтарган ҳолда гапирган ҳамда ўз оиласига йўл олган. Шундан кейин Португалия терма жамоаси сафига бориб қўшилган.

"Юве"нинг баъзи футболчилари — Пауло Дибала, Хуан Куадрадо, Данило, Родриго Бентанкур ва Мерих Демирал Криштианудан ўрнак олган ҳолда отелни тарк этган ҳолда ўз терма жамоалари сафига йўл олишган. Дарвозабон Жанлуиджи Буффон эса ўз уйига кетган.

Манбага кўра, карантинни тарк этган футболчилар рўйхати прокуратурага тақдим этилади. «Ювентус»нинг қолган аъзолари чоршанбага қадар меҳмонхонада қолишган ва шундан сўнг уларга рухсат берилган.