«Yuventus» hujumchisi Krishtianu Ronaldu jamoaviy karantin qoidasini saqlashdan bosh tortdi.

"La Gazzetta dello Sport" tarqatgan xabarga ko‘ra, o‘tgan haftada jamoaning ikki xodimida koronavirus aniqlangach, klub mehmonxonada barcha futbolchilar va murabbiylar uchun "ko‘pik" tashkil qilishdi. Portugaliyalik futbolchi esa ushbu hududda qolishni istamasdan, mehmonxonani birinchi bo‘lib tark etdi.

Ronaldu bir necha kun davomida otelda qolishdan bosh tortdi. Bunday holatda Krishtianu Portugaliya terma jamoasi safida Ispaniya qarshi o‘rtoqlik o‘yinini o‘tkazib yuborishga majbur bo‘lar edi. Ronaldu va jamoaning qolgan barcha a’zolari ikki martadan test topshirishdi. Ular mehmonxonadagi karantinni tark etishlari uchun uchinchi testni topshirishlari kerak edi.

Ronaldu esa jamoa rahbariyatiga ovozini baland ko‘targan holda gapirgan hamda o‘z oilasiga yo‘l olgan. Shundan keyin Portugaliya terma jamoasi safiga borib qo‘shilgan.

"Yuve"ning ba’zi futbolchilari — Paulo Dibala, Xuan Kuadrado, Danilo, Rodrigo Bentankur va Merix Demiral Krishtianudan o‘rnak olgan holda otelni tark etgan holda o‘z terma jamoalari safiga yo‘l olishgan. Darvozabon Janluidji Buffon esa o‘z uyiga ketgan.

Manbaga ko‘ra, karantinni tark etgan futbolchilar ro‘yxati prokuraturaga taqdim etiladi. «Yuventus»ning qolgan a’zolari chorshanbaga qadar mehmonxonada qolishgan va shundan so‘ng ularga ruxsat berilgan.