Теннис бўйича Катта дубулға мусобақалари доирасига кирувчи «Ролан Гаррос» мусобақаси финали бўлиб ўтди.
Унда ATP рейтинги етакчиси Новак Жокович ва дунёнинг иккинчи рақамли теннисчиси Рафаэль Надаль ўзаро тўқнаш келди. Учрашувда испаниялик теннисчи номдор рақибини осонлик билан мағлуб этди — 6:0, 6:2, 7:5.
Шу тариқа Надал «Ролан Гаррос»даги 13-совринига эга чиқди ва бу борада мутлақ рекордчи ҳисобланади. Қумли кортлар қироли лақабини олган Надал кетма-кет тўртинчи йили Франциядаги мусобақа чемпионига айланди.
Надал финалга қадар Диего Шварсман, Янник Синнер, Себастьян Корда ва бошқа бир қатор теннисчиларни ортда қолдирди.
