Туриннинг "Ювентус U-23" бош мураббийи Ламберто Дзаули коронавирусга чалинганлиги ҳақида, клуб расмий сайти хабар бермоқда.
«Регламент ва протоколга мувофиқ Дзаули шу вақтдан бошлаб карантинга олинди. Бу коронавирус инфекциясини юқтирмаган бошқа футболчиларга машғулотларни давом эттириш имконини беради. Клуб соғлиқни сақлашнинг ваколатли органлари билан доимий алоқада», — дейилади "Ювентус" клуби расмий баёнотида.
Эслатиб ўтамиз, бироз аввалроқ "Ювентус" ҳужумчиси Криштиану Роналдуда ҳам коронавирус аниқлангани ҳақида хабарлар тарқатилганди.
