2020 йил 17 октябрь куни «Ёшлик» спорт мажмуасида «Асака банк» АТБ ва Ўзбекистон велосипед спорти федерацияси ҳамкорлигида «Пандемияни спорт билан енгамиз» шиори остида «Асака банк»нинг республика бўйлаб хотин-қизлари ўртасида велопойга ўтказилади.
Ушбу мусоқаба Ўзбекистон Республикаси Президенти Шавкат Мирзиёев томонидан илгари сурилган 5та муҳим ташаббус доирасида бўлиб ўтади.
Таъкидлаш жоизки, велосипед экологик жиҳатдан энг тоза транспорт воситаси ҳисобланиб, соғлиқ учун ҳам фойдали спорт турларидан бири саналади.
Хабарингиз бор, пандемия даврида соғлом турмуш тарзи устуворликлар қаторига кирмоқда. Мазкур тадбирни ўтказишдан асосий мақсад давлат муассасаларида фаолият юритаётган ходимлар ўртасида соғлом турмуш тарзини тарғиб этиш, айниқса, хотин-қизларни ушбу спорт турига қизиқишини оширишдир.
