Лондоннинг «Арсенал» клуби собиқ футболчиси Сол Кемпбелл жамоа ҳужумчиси Пьер-Эмерик Обамеянг ўз спорт формасига тезроқ қайтишига умид қилмоқда. Чунки, габонлик футболчи клуб билан шартномани узайтирганидан сўнг, сезиларли даражада ўз спорт формасидан чиқиб кетди.

«Олдинда турган «Манчестер Сити» қарши баҳс Обамеянг учун бир қатор сабабларга кўра жуда муҳим. Обамеянг — спорт формасига жуда боғлиқ бўлган футболчи. У шартномани узайтирганидан бери ўз спорт формасидан чиқиб қолди. Аминманки, Артета буни тушуниб турибди.

Агар Обамеянг «Манчестер Сити»га қарши ўйинда тўлиқ куч билан ўйнай олмаса, у ҳолда Артетанинг қўл остида етакчи футболчилар етарлича.

Николас Пепе ушбу тоифага киради. Агар ундан тўғри фойдаланилса, у жамоанинг янги сардори бўлиши мумкин. Николас Артета қўл остида ўсишга эришмоқда», — деди Кемпбелл.