«Реал» Ла лига доирасида «Кадис»га қарши ўйин (0:1) ва Чемпионлар лигаси доирасида «Шахтёр»га қарши баҳсдаги (2:3) мағлубиятлардан сўнг раҳбарият янги мураббий ҳақида ўйлай бошлади.

Ҳозир "Қироллик клуби" Зайниддин Зиданнинг ўрнига 2та номзодни кўриб чиқмоқда. Улардан бири «Тоттенхэм» клуби собиқ бош мураббийи Маурисио Почеттино бўлса, иккинчиси «Реал»нинг собиқ ҳужумчиси, ҳозирда "Кастилья"ни бошқараётган Рауль.

«Реал» президенти Флорентино Перес Рауль номзодига мойиллик билдираётган бўлса, раҳбариятининг бошқа аъзолари 43 ёшли мураббий ҳали катта клубни бошқаришга тайёр эмас деб ҳисобламоқда.

Почеттино эса анча вақтдан буён ишсиз юрибди ва мураббийликка қайтишга тайёр. Бу ерда муаммо шундан иборатки, аргентиналик мутахассис клуб тизимидан чиқмаган. Боз устига, у узоқ муддатли шартнома талаб қилиши мумкин.