«Реал» бош мураббийи Зайниддин Зидан Испания чемпионатининг 7-туридан ўрин олган «Барселона»га қарши баҳс олдидан ўз фикрини билдириб ўтди.

— Класико – бу класико. Унда иккита яхши жамоа ўзаро тўқнаш келишади. Бўш стадионда ҳаракат қилишимизга қарамай, яхши ўйин бўлади.

Класико вазиятни ўзгартириш учун энг яхши палла. Чунки, бу учрашув эртага бўлади. Биз вазиятни ўзгартиришни истаймиз. Бу ишни эса ўз ўйинимизни намойиш қилган ҳолда амалга оширмоқчимиз.

– «Барселона» ҳақида нима дея оласиз?
– Бу — ҳар қандай мураббий билан кучли жамоа. Ҳар бир мутахассис жамоага ўз ҳиссасини қўшади. Лекин «Барса» ҳамиша «Барса» бўлиб қолади. Бу жамоа яхши футбол ўйнашни билади ва ҳамиша рақибнинг ишини қийинлаштиради.

Тафсилотларга киришмоқчи эмас. Фақат шуни айтишим мумкинки, бизни қийин ўйин кутмоқда. Илк дақиқаданоқ қийин кечадиган ўйинда майдонга чиқиш ва унда иштирок — бу яхши.