UFCнинг енгил вазндаги вақтинчалик чемпиони Жастин Гейджи Хабиб Нурмагомедовга қарши бўлиб ўтадиган жанг тактикаси ҳақида ўртоқлашди.
«Ҳаётдан мисол қилиб келтирадиган бўлсам, агар мени битта одам ушлаб тура олса, иккинчиси югуриб келиб, хоҳлаган нарсасини қила олиши мумкин. Ҳаётда бўлгани каби, бу ерда ҳам буни амалга оширишга йўл қўймаслигим керак.
Тўқнашувга бораман, Хабиб мени ушлаб тура олмаслиги учун бор имкониятимни ишга соламан. Имкон қадар тажовузкор бўламан», – деди Гейджи.
Хабиб Нурмагомедов ва Гейджи ўртасидаги жанг бугун Абу Дабидаги «Жангчилар ороли» спорт мажмуасида бўлиб ўтади.
