Испания чемпионатининг 7-тури доирасида «Атлетико» ўз майдонида «Бетис»ни қабул қилди.  

Биринчи бўлимда ҳисоб очилмаган бўлса, иккинчи таймнинг илк дақиқасидаёқ Льоренте ҳисобни очди.

Баҳснинг 74-дақиқасида меҳмонлар ҳимоячиси Монтойя майдондан четлатилди. Ўйинга қўшиб берилган дақиқаларда эса Суарес иккинчи голни уриб, баҳс тақдирини ҳал қилди. Уругвайлик футболчининг ушбу мавсумдаги голлари 4тага етди.

Ушбу ғалабадан кейин "Атлетико"нинг очколари сони 11тага етди ва жамоа 2-ўринга кўтарилиб олди.

Испания Ла лигаси, 7-тур
Атлетико – Бетис 2:0 (0:0, 2:0)
Голлар: 1:0 – 46 Льоренте, 2:0 – 90 Суарес.
Атлетико – Облак, Эрмосо (Лоди, 77), Савич, Фелипе, Триппьер, Льоренте, Торрейра (Карраско, 46; Витоло, 83), Коке, Лемар (Эррера, 46), Корреа (Жоау Феликс, 57), Суарес.
Бетис – Браво, Монтойя, Бартра, Морено, Манди, Родригес (Руис, 80), Каналес, Тельо (Хоакин, 65), Вильям Карвалью (Морон, 65), Фекир, Санабрия (Иглесиас, 80).
Огоҳлантиришлар: Суарес (41), Коке (50).
Четлатиш: Монтойя (74).