"Тамбов" ярим ҳимоячиси Жасур Жалолиддинов "Аталанта" футболчиси Алексей Миранчук ҳақида ўз фикрлари билан ўртоқлашди.

"Биринчи марта интервью берганимда мендан қайси ўйинчи билан танишишни исташимни сўрашганди. Мен эса Алексей Миранчукни айтиб, Россия футболида у мен учун кумир эканини айтган эдим.

Шундан кейин Лёша билан учрашдик ва бундан мен хурсанд бўлдим. У мени қўллаб-қувватлади. Ҳаттоки, машғулотдан кейин майдонда қолиб, жарима зарбалари тепишни машқ қилдик.

Миранчук "Аталанта" савиясига мосми? Назаримда, ҳаттоки клуб даражасидан юқорида. Унга "Ювентус" ва "Милан" томонидан ҳам қизиқишлари бўлгани ҳақида ёзилганди.

Лёшанинг кетадиган пайти келганини ҳис қилдим. Шунинг учун у билан кўпроқ гаплашишга ва ундан кўпроқ нарса ўрганишга ҳаракат қилдим. Баъзида мақсадим амалга ошган бўлса, баъзида — йўқ. Қисқа вақтда бўлса ҳам имкониятдан максимал фойдаланишга ҳаракат қилдим. У мен билан яхши гаплашди. "Зенит"га қарши ўйиндан кейин ундан бирга суратга тушишни ва автограф беришини сўрадим. Лёша таклифимга рози бўлди ва: "Меҳнат қил, ўсишга эриш, мен сенга ишонаман", дея қўшимча қилди", — деди Жалолиддинов "Матч ТВ"га берган интервьюсида.