"Tambov" yarim himoyachisi Jasur Jaloliddinov "Atalanta" futbolchisi Aleksey Miranchuk haqida o‘z fikrlari bilan o‘rtoqlashdi.

"Birinchi marta intervyu berganimda mendan qaysi o‘yinchi bilan tanishishni istashimni so‘rashgandi. Men esa Aleksey Miranchukni aytib, Rossiya futbolida u men uchun kumir ekanini aytgan edim.

Shundan keyin Lyosha bilan uchrashdik va bundan men xursand bo‘ldim. U meni qo‘llab-quvvatladi. Hattoki, mashg‘ulotdan keyin maydonda qolib, jarima zarbalari tepishni mashq qildik.

Miranchuk "Atalanta" saviyasiga mosmi? Nazarimda, hattoki klub darajasidan yuqorida. Unga "Yuventus" va "Milan" tomonidan ham qiziqishlari bo‘lgani haqida yozilgandi.

Lyoshaning ketadigan payti kelganini his qildim. Shuning uchun u bilan ko‘proq gaplashishga va undan ko‘proq narsa o‘rganishga harakat qildim. Ba’zida maqsadim amalga oshgan bo‘lsa, ba’zida — yo‘q. Qisqa vaqtda bo‘lsa ham imkoniyatdan maksimal foydalanishga harakat qildim. U men bilan yaxshi gaplashdi. "Zenit"ga qarshi o‘yindan keyin undan birga suratga tushishni va avtograf berishini so‘radim. Lyosha taklifimga rozi bo‘ldi va: "Mehnat qil, o‘sishga erish, men senga ishonaman", deya qo‘shimcha qildi", — dedi Jaloliddinov "Match TV"ga bergan intervyusida.