Лондоннинг «Челси» клуби бош мураббийи Фрэнк Лэмпард ЕЧЛ доирасида «Краснодар» клубига қарши бўлиб ўтадиган учрашув ҳақидаги фикрлари билан ўртоқлашди.
«Қуръагача менда «Краснодар» ҳақида ҳеч қандай тасаввур йўқ эди, аммо бир гуруҳдан жой олганимиздан кейин улар ижросидаги бир қатор ўйинларни томоша қилдик ва улар қандай рақиб эканликларини яхши билиб олдик.
Улар ЕЧЛда янги ҳисобланади, шунинг учун уларнинг ғайрати юқори бўлади. Биз ушбу баҳсга жуда жиддий муносабатда бўламиз», – деди Лэмпард.
«Краснодар» ва «Челси» жамоалари ўртасидаги учрашув 28 октябрь куни бўлиб ўтади.
