Про лига биринчи босқичи 2-даврасининг сўнгги 14-тури доирасидаги «Оқтепа» - «Истиқлол» учрашуви ниҳоясига етди. Ўйинда меҳмонлар 1:2 ҳисобида ғалаба қозонганига қарамай, турнир жадвалида 5-ўринда қолди.

Натижада «Динамо» жамоаси «Истиқлол»ни 5та тўп фарқи билан ортда қолдириб, 4-ўринни эгаллади. Демак, Суперлига якуний босқичида «Нефтчи», «Шўртан», «Турон» ва «Динамо» йўлланма учун кураш олиб боради. Ушбу жамоалар ўртасидаги ўйинлар тақвими тез орада аниқланади. Баҳслар ноябрь ойида ўтказилиши режалаштирилган. Турнир жадвалида 1-2-даврада йиғилган очколар сақлаб қолинади.

Маълумот учун, Про лига якуний босқичда юқоридаги тўрт жамоа уй-сафар тизимида ўзаро жами 6 тур ўтказиб, 1-ўринни олган жамоа Суперлигага тўғридан-тўғри йўлланмани қўлга киритади. 2-ўрин соҳиби эса Суперлигада 13-ўринни эгаллаган жамоага қарши ўз уйида битта ўйиндан иборат плей-офф баҳсида майдонга тушади.