Италиянинг «Интер» клуби бош мураббийи Антонио Конте А Сериянинг 6-тур доирасида «Парма» клубига қарши бўлиб ўтадиган учрашув олдидан ўз фикрлари билан ўртоқлашди.
«Мен бошқа клубларнинг футболчилари ҳақида гапирмайман. Жервиньо – жуда кўп яхши нарсаларни амалга оширадиган ажойиб футболчи, лекин мен «Парма» ва унинг барча футболчиларини ҳурмат қиламан. Шунингдек, бу гап менинг футболчиларимга ҳам тегишли.
Ҳозирги қўл остимдаги таркибдан қониқяпман. Мен январь, февраль ёки март ойлари ҳақида ўйламаяпман, бор эътиборимни олдимизда турган ўйинларга қаратганман», – деди Конте.
«Интер» ўз майдонида «Парма» клубини 31 октябрь куни қабул қилади.
