Исландия чемпионати ва мамлакат кубоги мусобақалари коронавирус пандемия туфайли муддатидан аввал якунланди. Бу ҳақда Исландия футбол ассоциацияси хабар тарқатди.
Шу пайтга қадар мамлакат чемпионатида 22та турнинг 18тасида ўтказилган эди. Турнир жадвалининг ҳозирги ҳолати якуний дея тан олинадиган бўлди.
18-турдан кейин «Валюр» клуби 44 очко билан пешқадам бўлиб турган эди. Иккинчи поғонадаги «Хабнарфьордюр» ҳисобида 36 очко, учинчи ўриндаги «Брейдаблик» клуби ҳисобида эса 31 очко мавжуд эди.