Испания чемпионатининг  8-туриджан ўрин олган "Реал Мадрид" ва "Уэска" жамоалари ўртасидаги ўйин якунланди. Мазкур ўйинда мадридликлар йирик 4:1 ҳисобида ғалаба қозонди.

Учрашувнинг 40-дақиқасида Азар ҳисобни очган булса, орадан 4 дақиқа ўтиб, Бензема ўз номини таблога ёздириб қўйди.

Иккинчи бўлимни фаол бошлаган "қироллик клуби" ўйиннинг 54-дақиқасида Вальверденинг голи эвазига орадаги фарқни яна биттага ошириб қўйди.

74-дақиқасида меҳмонлар футболчиси Феррейро ҳисобни қисқартирди. Ўйиннинг сўнгги дақиқаларида Бензема гол уриб, учрашувга нуқта қўйди. 

Реал Мадрид – Уэска 4:1

Голлар: 1:0 – 40 Азар, 2:0 – 45 Бензема, 3:0 – 54 Вальверде, 3:1 – 74 Феррейро, 4:1 – 90 Бензема.

Реал Мадрид – Куртуа, Марсело, Рамос, Милитао, Васкес (Менди, 52), Каземиро (Кроос, 69), Модрич, Азар (Винисиус Жуниор, 60), Вальверде (Иско, 60), Асенсио (Родриго, 60), Бензема.

Уэска – Фернандес, Сиовас, Пулидо, Маффео, Луизинью (Сильва, 83), Гарсия (Вальдеррама, 57), Москера, Онтиверос (Галан, 46), Нвакали (Сандро Рамирес, 57), Серхио Гомес (Феррейро, 46), Рафа Мир.

Огоҳлантиришлар: Сиовас (79), Сандро Рамирес (88).