Мюнхеннинг «Бавария» клуби ҳимоячиси Давид Алаба раҳбариятнинг шартнома узайтириш таклифини қайтариб олиш тўғрисидаги қарори ҳақида фикр билдирди.

«Бу ҳақда кеча кечки пайт янгиликлар орқали хабар топдим. Бу муҳим воқеа бўлди. Кўрамиз, қандай якун топаркин. Ҳозирча бу ҳақда ўйлашга имкониятим бўлмади.

«Бавария»даги ўйинлардан завқланяпман. Ўзимни қулай ҳис қиляпман ва жамоанинг бир қисми эканлигимдан хурсандман. Келажакдаги воқеалар қандай бўлишини айта олмайман. Менга расман ҳали ҳеч ким ҳеч нарса демади.

Ишқибозларнинг муносабатларини тушунаман. Нима бўлган тақдирда ҳам, менда бошқа нуқтаъи-назар бор. Ичкаридаги гап-сўзлар ичкарида қолишини хоҳлардим. Агар мени шу нурда тасвирлашмоқчи бўлса - бу нотўғри, мухлисларнинг реакциясини тушуниш мумкин.

Кўрсатилган рақамлар шунчаки нотўғри. "Бавария" мутасаддилари уларни рад этмаганидан ғазабландим.

Келажагим қандай бўлишини ўйлаб кўрмадим. Биз бир ҳафтада учта ўйин ўтказдик. «Бавария» ҳар доим менинг устувор жамоам бўлиб келган, бошқа клублар билан музокара олиб бормадим», – деди Алаба.