Туланинг «Арсенал» клуби раҳбарияти жамоа бош мураббийи Сергей Подпалийнинг муваффақиятсиз натижаларига тоқат қилиб ўтиришни хоҳламади ва уни эгаллаб турган лавозимидан озод қилди. Унинг ўрнига эса жамоани қутқарувчи вазифасига Дмитрий Парфёновни таклиф қилишди. Парфёнов бугун жамоанинг янги бош мураббийи сифатида расман таништирилди.
Бунгача эса Парфёнов «Тосно» ва «Урал» клубларини бошқарган. "Тосно" жамоаси билан 2017/2018 йилги мавсумда у Россия Кубогини қўлга киритган.
Кейин эса «Урал» жамоасида бир ярим йил ишлади ва жамоани Россия Кубоги финалигача олиб чиқди. Бироқ, у жорий мавсум бошланиши арафасида эгаллаб турган лавозимидан озод қилинганди.
