Суперлиганинг 19-тур доирасида бўлиб ўтган "Қизилқум" ҳамда "Навбаҳор" жамоалари ўртасидаги учрашув якунига етгач, мезбонлар бош мураббийи Ҳамиджон Актамов матбуот анжуманида иштирок этди.
"Бугунги баҳсда “Навбаҳор” яхши ўйин намойиш этиб, ўзига керакли натижани қўлга киритди ва 3 очко эгасига айланди. Биринчи бўлимда кутилмаганда, асосий таркиб футболчиларнинг икки нафари (Ойбек Қиличев ва Салим Мустафоев назарда тутилмоқда) жароҳат олиб, майдонни тарк этишди. Натижада уларнинг ўринларига ёш ўйинчиларни майдонга туширишга мажбур бўлдим. Ёшларга ҳам имконият бериб, уларни ўйнатиш керак. Бугунги режамиз шу сабабли, амалга ошмай қолди. Ўша футболчиларнинг жароҳат олишгани ўйин натижасига таъсир кўрсатди"-деди Актамов.
