Римнинг «Лацио» клуби бош мураббийи Симоне Индзаги ЕЧЛнинг 3-турида Россиянинг "Зенит" клубига қарши бўлиб ўтадиган учрашув ҳақидаги фикрлари билан ўртоқлашди.
«Олдимизда қандай ўйин турганини жуда яхши биламиз. Учрашувни 20 минг нафар мухлис кузатиши кутилмоқда, аммо, "Зенит"га қарши бўлиб ўтадиган иккита учрашув кейинги босқичга чиқиш масаласини ҳал қилишини ҳисобга олган ҳолда, ўз ўйинимизни кўрсатишимиз керак.
А Серия ўйинлари бўш трибуналарда бўлиб ўтмоқда, Бельгия стадионлари ҳам мухлислар учун ёпиқ, лекин эртанги учрашувни 20 минг мухлис кузатади. Ўйлайманки, бу менинг шогирдларим учун катта ёрдам ва далда бўлади», – деди Индзаги.
